Sosialy

Fiahiana ara-tsosialin’ny CNaPS Miakatra ireo fanampiana raisina

Sosialy
Alatsinainy 08 Aogositra 2022

Ny farambaran’ny herinandro teo no namoahan’ny Tahirim-pirenena momba ny fiahiana ara-tsosialy n any CNaPS fanambarana maneho

ny fampiakarana ireo fanampiana ho an’ireo mpikambana. Ho fampiharana ny Didim-pitondrana laharana 2022-626 ny 04 mey 2022 izay mamaritra ny karama farany ambany eto Madagasikara ho 250 000 Ariary, dia miainga amin'io 250 000 Ariary io ny fikajiana ny fanampiana raha 200 000 Ariary teo aloha. Noho izany dia voafetra ho 2 000 000 Ariary ny karama farany ambony hikajiana ny latsakemboka. Voafaritra toy izao manaraka izao kosa ireo fanampiana samihafa ary mihatra manomboka ny 01 mey 2022, araka ny fampahafantaran’ny CNaPS hatrany. Ny Fanampiana ho an'ny fianakaviana: Volan-jaza :7 000 Ariary, Volan’ny bevohoka :63 000 Ariary, Volan'ny mpitaiza kely (indroa mandoa): 84 000 Ariary; Fanonerana ny vola lany tamin'ny fiterahana: hatramin'ny 100 000 Ariary. Fanampiana raha sendra loza na aretina vokatrin'ny Asa: tambin-karama isan'andro: 44 444,44 Ariary; Fanonerana ny saram-pivahinianana « frais de séjour » solon-tsakafo « frais de repas»:5769,32 Ariary Fanonerana ny saram-patoriana « frais de découcher »:21 634,00 Ariary; ny fampiharana ny fampiakarana dia manomboka ny volana aogositra ho an'ny volan-jaza ary ho an'ny fisotroan-dronono sy ny vidi-takaitra kosa dia manomboka ny fandraisana ny fanampiana volana septambra, hoy hatrany ny fampahafantarana.
Toky R