Sosialy

Fetra, mpidoroka zava-mahadomelina “Tolotolotra avy any aman’olona no naharoboka ahy”

Sosialy
Talata 10 Mey 2022

Ankizy 13 taona no zandriny indrindra amin’ireo mandray zava-mahadomelina mahery vaika toy ny heroine eto amintsika.

Raha araka ny resaka nifanaovana tamin’i Fetra tovolahy iray mandray sy midoroka izany dia tolotolotra avy tany aman’olona no naharoboka azy. Mpivarotra heroine mandehandeha eny amin’iny faritra 67 ha iny izay efa mpamatsy ireo mponina eny an-toerana mihitsy no nanome azy izany. Indroa no nomeny heroine aho hoy izy ary isaky ny avy mandray izany dia mahatsiaro ho sambatsambatra izany. Mahatsapa ihany koa ny tenako hoy izy fa lasa matanjakabe ary manana hery hafa mihitsy. Nanjary tamana ny tenako hoy hatrany i Fetra, ary tsy manaiky raha tsy mahazo tsindrona heroine kely isan’andro. Tsy nety nanome maimaimpoana intsony anefa ilay olona hoy hatrany izy ka lasa nanaotao foana aho. Natomboko tamin’ny halatra vilany sy lovia tao an-trano izany hoy hatrany, nihafara tamin’ny fangalarako vola tao an-tokantrano mba hividianako heroine ary izao izaho tonga hatrety Antanimora izao.

Pati
Legende : Any am-ponja izao i Fetra maka saina