Sosialy

Fetin’ny 26 jona ao Alasora Hotsinjovina manokana ireo sahirana

Sosialy
Talata 24 Mey 2022

Hitsinjo manokana ireo zokiolona sy fianakaviana sahirana manerana ireo Fokontany 20 misy ao aminy ny kaominina Alasora amin’izao ankatoky ny fetin’ny Asaramanitra 26 iona izao.

An’arivony ireo hahazo tombony amin’izany izay hozaraina fotsim-bary … hahafahana miatrika amim-pitoniana sy amim-pilaminana ny fety. Miisa 1.000 ireo zokiolona hojerena izay hihoatra ny 70 taona avokoa. Ho an’ireo ankizy madinika hiatrika ny fanadinam-panjakana CEPE kosa indray dia miisa 2500 ireo hofahanana sakafo atoandro miaraka amin’ny mpandraharaha ny datin’ny 21 jona ho avy izao raha araka ny fanazavan’ny Ben’ny tanàna Randriantsoa Jimmy, hetsika efa fanaon’izy ireo isan-taona. Tsiahivina moa fa hosokafana amin’ny fampisehoana ara-pilazantsara goavambe hatao eny Ankadindratombo ny fankalazana ny fetin’ny 26 Jona ho an’ny kaominina Alasora. Arahin’ireo mpanankato goavambe izay hankafizin’ny tanora izany ary hofaranana amin’ny afomanga.

Pati
Legende : Randriantsoa Jimmy, Ben’ny tanànan’Alasora