Sosialy

“Faux-cap” – Faritra Androy Nifandrombahana ilay fatina trozona

Sosialy
Talata 14 Septambra 2021

Trozona goavam-be iray no hita faty tany amin'ny faritra Androy ny faran’ny herinandro teo, izay nifandrombahan’ny olona ny fakana ny henany. Tao amoron’ny « Faux-cap»

no nisehoan’io ny zoma 11 septambra 2021 teo, ary efa nandray fepetra nandrara ny mponina mba tsy hihinana ny henan’io trozona io sy ny menaka azo avy aminy ny ministeran'ny Jono sy ny toe-karena manga tamin'ny alalan'ny SRPA Androy. Niarahana tamin’ireo manam-pahefana tany an-toerana sy ny lehiben’ny firaisan’ny fikambananan’ny mpanjono ny fepetra, ka efa milamina ny toe-draharaha omaly, raha ny vaovao avy any an-toerana.
Toky R