Sosialy

Faritr’Isoraka Mitombo isa ireo 4’mis mipetraka amoron-dalana

Sosialy
Alarobia 11 Mey 2022

Mihabetsaka ireo vahoaka sahirana eto amintsika. Tsy vitsy ireo tsy mahaloa hofantrano intsony, antony mampitombo isa ireo 4’mis tsy manan-kialofana mipetraka amin’ny trano sachet plastika eny rehetra eny.

Hita hatreny Isoraka izany, toerana manakaiky ny lapam-panjakana Iavoloha, izay tena henatra ho an’ny Fitondram-panjakana tokoa, indrindra fa ho an’ny kaominina Antananarivo renivohitra. Toy ny tsy misy ministera mikarakara mantsy ireny 4 mis ireny fa toa jerem-potsiny. Toa tsy manara-maso ny tanana ihany koa ny kaominina Antananarivo renivohitra izay tokony handray andraikitra haingana hiaraka amin’ny Ministeran’ny mponina hamindra toerana ireny 4 mis ireny. Raha vantany vao mahazo vahana mantsy izy ireny dia mety hiitatra hatrany Antaninarenina ny trano sachet plastika izay tena haneho mibaribary tanteraka fa lasa 4 mis ny ankamaroan’ny Malagasy noho ny hasarotan’ny fiainana sy ny fihanaky ny fahantrana. Marihina moa fa saika zaza amam-behivavy avokoa ny ankamaroan’ireo mpatory amoron-dalana eny amin’iny faritra Isoraka iny.
(Tahirin-tsary)
Pati