Sosialy

Faritra Bongolava Iray volana nijaliana rano ny mponina, niakatra ny vidin’ny jiro

Sosialy
Alarobia 18 Desambra 2019

Tao anatin’ny iray volana sy tapany mahery izao, dia nijaly tamin’ny famatsiana rano ny mponina tao amin’ny faritra Bongolava.

Araka ny fanazavana voaray, voatery mividy rano any amin’ny toerana lavitra ireo olona manana paompin-drano ao an-trano. Manomboka amin’ny 1 ora maraina dia efa hilaharana ny maka rano any amin’ny paompy, hoy ny fanazavana. Mijaly rano noho izany ny mponina, ka mitady fomba hahazoana rano, eny fa na mividy izany any amin’ny lava-drano aza. Manao antso avo amin’ny minisitera sy ny tompon’andraikitra ary ny orinasa JIRAMA izy ireo mba hijery izao olan’ny famatsian-drano ao amin’ny faritra izao. Ny fitaovana efa antitra no antony mahatonga ny tsy fisian-drano any an-toerana, hoy ireo mponina. Ankoatra izay dia niakatra ihany koa ny vidin’ny jiro, tao anatin’ny 2 volana izao, koa mangataka ny hamahana ireo olana ireo ny mponina ao amin’ny faritra Bongolava.

Sitraka r.