Sosialy

Faritra atsimo atsinanana Nahazo fanampiana ireo traboina vokatry ny hain-trano

Sosialy
Talata 19 Febroary 2019

Mahatsiaro mijaly ireo traboina 218 tafo vokatry ny hain-trano any amin’ny Faritra atsimo atsinanan’ny Nosy. Ankoatra ny tsy mbola fananan’izy ireo trano hitoerana mantsy dia hifampitadiavana ihany koa ny hanin-ko hanina isan’andro.

Mba ho fanampiana azy ireo dia tonga nanatitra sakafo sy kojakoja ilaina amin’ny fiainana andavanandro ho azy ireo ny orinasam-pifandraisana Airtel. Olona miisa 800 no nahazo tombontsoa tamin’izany ka anisan’ireny ny fotsimbary 28 gony. Tanjon’ny orinasam-pifandraisana Airtel raha ny fanazavan’ny tale jeneraliny Maixent bekangba ny hanamaivanana ny fahasahiranan’ireo traboina izay marihina fa zaza amam-behivavy ny ankamaroany. Mbola ho mafy ny fanarenana ny fiainan’izy ireo, hoy Atoa Andriamaro Jovin Thomas, lehiben’ny distrikan’Amboasary Atsimo ka tena nisaotra ny Airtel ny tenany noho ny fanampiana nentin’izy ireo.

Pati