Sosialy

FARITRA AMORON’I MANOA Nahita fomba hafa kely hamerana ny zaza ateraka

Sosialy
Alatsinainy 22 Jolay 2024

Hampidirina ao anatin’ny kabary am-panambadiana mandritra ny fanateram-bodiondry sy ny

fandraisam-pitenenana hataon’ny Ben’ny tanàna mandritra ny fisoratam-panambadiana manomboka izao ny fanentanana momba ny fandrindram-piainam-pianakaviana. Hanao maodely voalohany amin’ny fampiharana izany ny Faritra Amoron’i Mania raha araka ny fanazavan-dRakotomandimby Désire governoran’ny Faritra.
Tafiditra ao anatin’ny laharana faha-4 na faha-5 amin’ny hamaroan’ny vehivavy miteraka maro mantsy izy ireo manerana ny Nosy. Dimy raha kely ny zaza hateraky ny tokantrano iray nefa saika ny Raim-pianakaviana avokoa no mamelona sy mampandeha ny fiainana ao an-tokantrano. Tsy ho tafiditra ao anatin’ny tso-drano omen’ny Ben’ny tanàna ireo mpanambady vao intsony araka izany ilay hoe : miteraha fitolahy, fitovavy fa hosoloina ilay hoe : izay vita sy zakan’ny toe-bola hateraka. Hampiarahina amin’ny famporisihina azy mivady kely mba hanatona tobim-pahasalamana izany hahafahany mampiasa fomba fandrindram-piainam-pianakaviana.
Tsiahivina moa fa efa nampiakarin’ny Fitondram-panjakana ho 2,6 miliara ariary isan-taona amin’izao ny teti-bola natokana ho an’ny fandrindram-piainam-pianakaviana eto amintsika hanatsarana ny fiainan’ny isan-tokantrano. Pati
Legende : Tokony hifanaraka amin’ny vola miditra ho an’ny isan-tokantrano ny isan’ny zaza hateraka