Sosialy

Fanotofana bontolo an’Ambohitrimanjaka Hisy voka-dratsy tsy voafaritra ho an’ny fanjakana

Sosialy
Alatsinainy 18 Novambra 2019

Hisy voka-dratsy tsy voafaritra ho an’ny fanjakana repoblikanina ny fanotofana bontolo an’Ambohitrimanjaka sy ny manodidina,

indrindra raha tsy manatona ny taranak’Andriamasinavalona izay tompon’iny faritra iny izy ireo mba hanaovana ny fomba, hoy Ny Andriana Robert, amin’ny maha raiamandreny ara-drazana azy eto Antananarivo. Ny tantara ara-drazana sy ny fanjakana repoblikana mihitsy mantsy no nambarany fa mifandona ka raha tsy maintsy hisisika iretsy voalohany hampiasa ny fahefam-panjakana hananany dia tsy maintsy tanteraka izany. Eo an-daniny kosa anefa, hoy izy dia tsy maintsy alahelo ary mety hanozona mihitsy aza ireo tompon-tany, antony tsy hahafaritana ny voka-dratsy mety haterak’izany eto amin’ny firenena. Nomarihin’Ny Andriana Robert fa fari-bohitra manan-tantara Anosimanjaka sy Ambohitrimanjaka teo amin’ny fanjakana Merina. Tsy afa-misaraka koa, hoy izy Anosimanjaka sy Ambohitradrimo satria renivohitr’i Marovatana izay fefin’Andriamasinavalona sady mitarihiry ny fiandrianana sy ny hasim-piandrianana.

Pati