Sosialy

Fanoratana ny tany Mbola sarotra ny fombafomba eto Madagasikara

Sosialy
Alarobia 18 Desambra 2019

Atrikasa hanamorana ireo fombafomba hanoratana ny taratasin-tany no natao tetsy amin’ny Hotely Colbert Antaninarenina.

Nisy mihitsy ny raki-tsary fanadihadiana nojeren’ireo mpisehatra rehetra nanaporofoana ny fahasarotan’ny fanoratana ny tany eto Madagasikara. Ankoatr’izay dia nivoitra tao ihany koa ireo olana sy disadisa mahakasika ny fananantany. Na dia maro aza mantsy ireo torolalana manokana navoaka dia sahirana ny Malagasy manoratra ny taniny sy mahazo ny kara-taniny. Mbola miteraka olana ihany koa ny tsy fahampiana sy ny tsy fampiharana ireo lalàn’ny fananantany misy eto amin’ny firenena. Atrikasa fampahafantarana ireo dingana hatao hanamorana ireo fananana kara-tany sy kadasitra ary ireo taratasy maro mahakasika ny fananantany no nohazavaina ary tonga nanatrika izany ny minisitry ny fanajariana ny tany, Hajo Andrianainarivelo. Novelabelarina tao ihany koa ny vokatry ny fandaharan’asa ARSF (Appui à la Réforme et à la Sécurisation Fonçière) izay naharitra 3 taona. Nivoitra fa hasiana marika manokana ny kara-tany manomboka izao ho an’ny faritra rehetra manerana an’i Madagasikara na dia faritra vitsy aza aloha no natao andrana.

Tsirinasolo