Sosialy

Fanomezan-dra Ireo 20 % nanao hatramin’izay ihany no mazoto

Sosialy
Zoma 14 Jona 2019

Tsy mety mitombo mihitsy hatreto ireo mpanome ra manerana ny Nosy. Ireo 20 % efa mpanome manerana ny Nosy ihany mantsy no manome ka tsy mety manana tahiry isika.

Ny 67 % azo eto amin’ny faritra Analamanga anefa dia lany eo anivon’ny hopitaly HJRA Ampefiloha avokoa, hoy ny profesora Rakoto Alson Olivat, omaly. Manodidina ny 120 isan’andro eo ny kitapo ilaina ka anisan’ny tena hampiasana azy ireo marary mafy mila fandidiana, ireo mpiteraka saro-piterahana, ireo mararin’ny homamiadana, ireo olona arahi-maso akaiky ao amin’ny sampana fameloman’aina, izay nomarihiny fa samy misy eo anivon’ny hopitaly HJRA tantanany avokoa. Miantso ny rehetra ho avy hanome ra ny mpiara-belona araka izany izy. Nomarihiny manokana fa antony hanoloan’ny olona roa ny kitapon-dra iray alaina ho an’ny marariny ny fisian’ireo olona tsy tokony halaina ra noho ny antony maro samihafa. Hankalazaina anio zoma 14 jona ny andro maneran-tany ho an’ny mpanome ra.

Pati