Sosialy

FANOLOANA FANTSON-DRANO TRANAINY Efa tonga ireo teknisianin’ny kaompania TRG

Sosialy
Alatsinainy 03 Febroary 2020

Efa eto an-toerana ireo teknisianin'ny kaompania TRG avy atsy Afrika Atsimo izay hiara-kiasa amin'ny JIRAMA amin'ny fanoloana ireo fantsona tranainy, anisan'ny mampananosarotra ny famatsiana rano fisotro madio amin'ny toerana maro eto Antananarivo.

Ny sabotsy alina teo no natomboka ny fijerena ireo fantsona hosoloina amin'izao fanombohan’ny asa izao. Tsapa nandritra izany fa maro ireo fantson-drano any ambanin'ny fanorenana.Mba hahamora ny fanatanterahana ny asa sy tsy hanelingelenana ny fifamoivoizana, indrindra hanamaivanana ny fahatapahan'ny famatsiana rano dia mandritra ny alina hatrany no hanaovana ny fanoloana ireo fantsona ireo. Raha toa ka tsy maintsy hisy izany fanapahan-drano izany dia hanao ny ezaka rehetra ny JIRAMA sy ny TRG mba ho fohy ny faharetany.Fanombohana ihany ny eto Antananarivo fa tanjona ny hanitarana izao tetikasa fanatsarana ny famatsiana rano fisotro madio izao, any amin'ny faritra.

Pati