Sosialy

Fanohanana ireo vehivavy sembana Mifanome tanana ny Inner Wheel sy ny CUA

Sosialy
Zoma 03 Jolay 2020

Hanohana ireo vehivavy sembana eto Antananarivo Hiara-hiasa akaiky manomboka izao fikambanam-behivavy Inner wheel sy ny kaominina Antananarivo renivohitra.

Ny fiahiana ireo vehivavy manana fahasembanana eo anivon’ireo Fokontany 192 mandrafitra ny kaominina Antananarivo renivohitra no tena vontoatin’ny fiaraha-miasan’ny roa. Fantatra tamin’izany fa asa efa fanaon’ny Inner wheel hatramin’izay ny mampiofana vehivavy ho matihanina amin’ny sehatry ny zaitra mba hanatsarana ny fidiram-bola miditra ao an-tokantranony. Manomboka izao kosa anefa dia ireo vehivavy manana fahasembanana eto Antananarivo no hisitraka izany. Tao anatin’ny 3 taona izay nisian’ny tetikasa dia vehivavy miisa 15 isaky ny 3 volana no nahazo fiofanana. Ankoatra ny fanatsarana ny fidiram-bolan’ny vehivavy moa dia anisan’ny tanjon’ity fikambanam-behivavy iray ity ihany koa ny hampaleo tena ny vehivavy manana fahasembanana ka hahatonga azy ireny tsy ho vesatra eny anivon’ny fiaraha-monina intsony.

Pati