Fanohanana

Partagé sur :
• facebook

Manatanteraka ny teny

nomeny i Kôlônely Andriamiharisoa Gervais
Misedra olana ara-bola ny ivon-toerana SEJAFA ao Farafangana nanomboka ny taona 2021 noho ny fahatapahan’ny famatsiam-bola. Nao aza anefa izany olana izany dia manao ny ezaka rehetra ny mpitantana amin’ny fandraisana sy fikarakarana ireo olona marefo, indrindra ireo ankizy manana fahasembanana, sy ireo manana toe-tena Varira sy ireo zaza avy amin'ny fianakaviana sahirana izay tsy mitsaha-mitombo taizaina ao. Maherin'ny zato isan’andro ireo omena sakafo ao ary vary valo gony isan-kerinandro farafahakeliny no ilaina amin'izany. Tsy mitsaha-mitombo ny filàna, ka manao hetsika rehetra hanentanana ny besinimaro handray anjara amin’ny fanohanana ity ivon-toerana ity ny mpitantana, toy ny fikarakarana "téléthon". Nitsidika tany Farafangana Mpanolontsaina Avon’ny Fanavaozana ny Repoblikan’i Madagasikara, Kôlônely Andriamiharisoa Gervais ny faran'ny herinandro teo. Tonga nanatanteraka ny teny fampanantenana nataony nandritra ny fitsidihan’ny Filohan’ny Fanavaozana, Kôlônely Randrianirina Mickaël mivady, ity Akany ity ny Mpanolontsaina Avo. Tafiditra ao anatin’ny ezaka fanohanana ireo ankizy marefo izany. Ho fanatanterahana izany teny nomena izany dia nomen'i Kôlônely Andriamiharisoa Gervais ny 10 000 000 Ariary isam-bolana ho fanohanana ny Akany SEJAFA Farafangana.
Jean D.
Ny Mpanolontsaina Avo, Kôlônely Andriamiharisoa Gervais notronin'ireo manampahefana ao Farafangana nitsidika ny Akany SEJAFA
 

Tia Tanindrazana

Samia mijoro ho an'i Gasikara.