Sosialy

Fanohanana an’i Madagasikara Nanolotra vary sy fanafody i Inde

Sosialy
Zoma 28 Septambra 2018

Natolotra tetsy amin’ny foiben’ny birao nasionalin’ny fitantanana ny loza ara-boajanahary (BNGRC) tetsy Antanimora ny fanomezana maimaimpoana avy amin’ny governemanta Indiana.

Ahitana vary 1.000 taonina sy fanafody iray kaontenera mitotaly 1,5 tapitrisa dolara ary ny Ambasadaoron’i India, Subir Duttano nanolotra azy ho an’ny fanjakana Malagasy nosoloin’ny praiminisitra Ntsay Christian tena. Nanambara i Subir Dutta fa ho fitsinjovana sy hoenti-miatrika ny ho mety loza voajanahary tahaka ny rivodoza, ny hain-tany sy ny tondra-drano ireo vary natolotra ireo ka homena ireo olona mety ho traboina amin’ny faritra eto Madagasikara. Ny fanafody kosa dia natokana hiadivana amin’ny pesta sy ny tazomoka ny ankamaroany satria iaraha-mahalala ny fiverenan’io valanaretina io indray ankehitriny. Efa nozaraina eny amin’ireny masoivoho tompon’andraikitra ara-pahasalamana ireny moa ny ankamaroan’ireo fanafody ka afaka misitraka izany ny CSB (Centre de Sante de Base) sy ireo dispansera. Misy kosa anefa ny ampahany hajanona ao amin’ny BNGRC amin’ireo fanomezana ireo ho fitsinjovana ny loza tampoka mety hisy, indrindra ny eto Antananarivo.

Tsirinasolo