Sosialy

Fankalazana ny 8 martsa Nafindra ao Antsirabe noho ny toetr’andro

Sosialy
Zoma 04 Martsa 2022

Voatery nafindra ao Antsirabe, Faritra Vakinankaratra ny fankalazana nasionaly ny andro maneran-tany ho an’ny vehivavy izay hotanterahina amin’ny Talata 08 Martsa ho avy izao raha tokony hatao any Manakara,

Faritra Atsimo Atsinanan’ny Nosy. Noho ny andro ratsy izay ahiana hiditra ao amin’ny faritra Atsimo Atsinanana amin’io andro io sy ho fisorohana ny voka-dratsy mety haterak’izany amin'ireo mpandray anjara no antony. Maneho fialan-tsiny feno sy lehibe amintsika vehivavy Malagasy mpizaika sy ny vahoaka Malagasy tsy vaky volo rehetra indrindra fa ireo any amin'ny Distrikan'i Manakara araka izany Minisiteran’ny Mponina sy ireo Komity mpanomana ny 8 martsa taona 2022. Na izany aza anefa dia fantatra fa tsy misy miova ny fandaharam-potoana rehetra izay voafaritra tao anaty ny tondro zotra efa nankatoavin'ny filankevitry ny ministra.
Pati
Legende : Ny minisitry ny mponina Soafilira Princia, mpanomana ny hetsika