Sosialy

Fanesorana ny fakon’Antananarivo Hiasa ireo kamio vaovao manomboka amin’ny alatsinainy

Sosialy
Zoma 16 Novambra 2018

Mikatso tokoa ny fakana ny fako eto Antananarivo Renivohitra, hoy ny minisitry ny rano Roland Ravatomanga izay mpiahy mivantana ny Samva, satria mbola misy ny fanamboarana teknika tsy maintsy atao hiarovana ireo kamio mba tsy hanimba azy rehefa manangona sy manary ny fako izy ireo.

Hanomboka hiasa ny alatsinainy 19 novambra izao anefa ireo kamio ireo, hoy ny fanazavany ary mbola hisy fiarabe hafa miisa 5 indray ho avy amin’ny faran’ny volana mba hanafainganana ny fandraofana ny fako. Ny 5 novambra lasa teo no efa naseho teny amin’ny foiben-toeran’ny Samva Ampasampito ireo kamio be handroaka ny fakon’Antananarivo ary raha ny fampitam-baovao tamin’izay dia hahatratra 16 isa izy ireo no hiasa.

RTT