Sosialy

Fanefana ny faktioran-jiro Hiara-kiasa ny JIRAMA sy ny banky BOA

Sosialy
Alarobia 10 Jona 2020

Mba hanatsaràna hatrany ny tolotra omeny mpanjifany amin’ny alalan’ny fanitarana sy fanamoràna ny fisitrahan’ny mpanjifa ny tolotra omen’ny JIRAMA dia nisy omaly ny fifanaovan-tsonia fifanekem-piaraha-miasa teo amin’ny roa tonta izay manolotra sehatra dimy vaovao hahafahana manefa faktiora na tombam-bidy

/saran’ny asa hotanterahina na famerenana jiro/rano amin’alalan’ireto karazana tolotra maro samihafa. Anisan’ireny ny Guichet Automatique de Banque (GAB) ho an’ny mpanjifan’ny BOA ; ny terminal de Paiement Electronique (TPE) ho an’ny mpanjifan’ny BOA na tsia, amin’ny alalan’ny carte VISA ; ny BOAWeb, amin’ny aterineto, ho an’ny mpanjifan’ny BOA ; ny MyBOA, amin’ny alalan’ny finday ho an’ny mpanjifa BOA ; ny masoivohon’ny Bank of africa ho an’ny mpanjifan’ny BOA na tsia. Maro ny tombontsoan’ny mpanjifa amin’ny fampiasana ireo tolotra ireo izay tsy mandany fotoana, fandoavam-bola tsotra sady maro azo isafidianana. Hahazo fanamarinam-pandoavam-bola ny mpanjifa ary voarain’ny rafitry ny JIRAMA ara-potoana ny vaovao mikasika izany.

Pati