Sosialy

Fandrosoan’ny firenena Ilaina ny fananana siantifika

Sosialy
Alatsinainy 30 Septambra 2019

Mihavitsy an’isa hatrany ny mpianatra Malagasy tia sy mirona amin’ny taranja siantifika araka ny tatitra nandritra ny fankalazana ny faha-130 taonan’ny IOGA (Insititut Observatoire Geo-physique d’Antananarivo).

Hita taratra anefa fa tena mandroso ny firenena manana olona siantifika tahaka ny any Amerika sy Sina ohatra. Nandritra ny hetsika 2 andro natao tetsy amin’ny Akademia Malagasy Tsimbazaza dia nisy lohahevitra maromaro tahaka ny hoe Geosiansa niresahana ny voka-pikarohana rehetra nataon’ny mpikaroka. Anisan’izany ny resaka ambany sy ambonin’ny tany ary ny ana habakabaka. Sarotra ny taranja siantifika ary miezaka mandositra izany ny ankizy sy ny tanora ankehitriny, hoy ny tatitra ary anisan’ny tanjona tamin’ity hetsika ity ny fampirisihana ny tanora hihevitra sy hiditra amin’ny sehatra siantifika.

Tsirinasolo