FANDRINDRAM-PIAINAM-PIANAKAVIANA

Tokony hanaovana angaredona hoy ny FITRAMA

Sosialy
Talata 16 Jolay 2024

Tokony hanaovana angaredona ny fanaparitahana sy ny famporisihina ny vehivavy mba

hampiasa ny fomba fandrindram-piainam-pianakaviana eny anivon’ny fiaraha-monina eny hoy ny filoha tale jeneralin’ny Mpitsabo Malagasy FITRAMA Rafanomezantsoa Jean Nirina. Ho an’ny Fokontany Anosizato Est I izay tantanany ohatra dia nambarany fa efa mahatratra 25.000 isa ny mponina amina velarantany 0,67 ha izay tantanany. Misy amin’ireo vehivavy hoy izy no miteraka hatramin’ny 9 isa. Ankoatra ity tranga farany dia maro amin’ireo tanora mpianatra no miditra amin’ny firaisana aloha loatra ka tsy afaka manohy fianarana intsony izay miteraka fahasahiranana sy fahapotehan’ny fiaraha-monina mihitsy. Ho an’ny FITRAMA manokana dia nomarihiny fa miara-miasa amin’ny CSB II izy ireny amin’ny fanampiana ny vehivavy mba hampiasa ny fomba fandrindram-piainam-pianakaviana. Tsy handoavam-bola izany hoy izy fa maimaim-poana ary mety amin’ny fahasalaman’ny vehivavy rehetra. Nohantitranterin-dRafanomezantsoa Jean Nirina moa fa tsara hapetraka ny politikam-panjakana tena manakaiky vahoaka marina momba ny resaka fandrindram-piainam-pianakaviana fa tsy hajanona eo ambony latabatra fotsiny.
Pati
Legende : Rafanomezantsoa Jean Nirina, filoha tale jeneralin’ny mpitsabo Malagasy FITRAMA !