Sosialy

Fandravana trano eny Anosiala Tsy hanaiky hiala ireo mponina

Sosialy
Alarobia 10 Novambra 2021

Hisy ny fihetsiketsehana ho tontosain’ireo mponina voakasiky ny fandravana trano eny Anosiala amin’ity anio ity, raha ny fampitam-baovaon’izy ireo omaly.

ny 28 oktobra hatramin’ny 11 novambra, izany hoe rahampitso, hoy ny fanazavan’ny solontenan’izy ireo, no fe-potoana nomena hialany eo amin’ity toerana ity. Alakamisy Anosiala manamorona orinasa afakaba iray no misy ireto mponina ao amin’ny distrikan’Ambohidratrimo ireto, izany hoe 18km miala an’Antananarivo. Hitombo indray, araka izany, ireo tsy manan-kialofana raha toa tsy manana vahaolana ho an’ireo mponina ny tomponandraikitra mikasika ity fanapahan-kevitra ity.
J. Mirija