Sosialy

Fandraisana ny lalaon’ny nosy Aiza ilay hoe tanàna vaovao atsangana ?

Sosialy
Alatsinainy 22 Mey 2023

Raha ny fanamafisan'ny fitondram-panjakana ny fiandohan’ny volana aprily 2021, dia eny amin'ny tanàna vaovao Imeritsiantosika no handraisana ny lalaon'ny nosy ny volana Aogositra sy Septambra ho avy izao.

94 andro mialohan’ny lalaon'ny nosy aty amin’ny ranomasimbe indianina isika izao. Mbola tsy misy vato fototra akory ny asa, hoy ny vazivazy zaritenan’ny mpanara-baovao. Maro ireo fotodrafitrasa aorina ao anaty tanamasoandro toy ny lalana, ny tranobe miisa 20 ampiasain’ny minisitera samihafa sy ny fotodrafitrasa isan-karazany. Kendrena ny hananganana ny tanàna vaovao mialohan’ny andraisantsika ny lalaon’ny nosy, hoy hatrany ny nambaran’ny sekreteram-panjakana miadidy ny tanàna vaovao, Gérard Andriamanohisoa, tamin’izany fotoana izany. Aiza anefa isika izao ? Na ireo taranja fakantsika medaly aza voatery najanona ny androatokony.
J. Mirija