Sosialy

Fandraisana an-tanana ny ankizy autiste Mila vola be ny fizahana

Sosialy
Alakamisy 06 Jona 2019

75.000 Ar amin'ny ankapobeny no vola ilaina rehefa manao fitiliana ankizy iray ahiana ho "autiste".

Manampahaizana miisa 5 anefa no tsy maintsy andalovana ary mila miverina in'efatra farafahakeliny amin'ireo, izay psychologue, psychomotricien pédopsychiatre, orthophoniste ary neurologue. Noho izany indrindra no ilan'ny fikambanan'ny Autisme Madagascar ny fanohanan'ny rehetra. Namaly ny antso ny Groupe Filatex, taorian'ny fanentanana nataon'ny fikambanana tamin'ny volana aprily lasa teo. Nosoniavina omaly ny fifanaraham-piaraha-miasan'ny roa tonta, izay nampitondraina ny anarana hoe : "Opération Blue". Mitentina 66 tapitrisa Ar ny fanampiana avy hanohana tetikasa mizara 3. Fizahana sy fitiliana maimaimpoana ny tapany voalohany, nampitondraina ny anarana hoe : "Tily". Hifantoka amin'ny fahasalaman'ny ativava ny tapany faharoa, antsoina kosa hoe : "Tsiky". Ny tapany fahatelo farany nomena ny anarana hoe : "Tohana" dia hiompana amin'ny fampiofanana an'ireo rehetra mandray an-tanana ny ankizy "autiste". I Tsiroanomandidy, Toamasina, Fenoarivo Atsinanana ary Mahajanga no voakasiky ny tetikasa.

Marigny A.