Sosialy

Fandidiana maika Miantso tolo-tanana i Solofonantenaina

Sosialy
Alakamisy 06 Jona 2019

Efa ho 8 volana teo ho eo no nisy karazana fivontosana kely ny mason-dRakotonandrasana Solofonantenaina, tovolahikely 18 taona avy any Manalalondo.

Nokitihina io fivontosona kely io, kinanjo nivadika ho fivontosana be sy nitarika fahapotehan’ny masony, izay lo mihitsy. Resaka “tumeur” amin’ny lalàn-dra nivoto mifandray amin’ny atidoha, raha ny ambangovangon’ny voalazan’ny mpitsabo. Mila fandidiana maika ka 1 400 000 Ariary eo ho no ilaina raha ny nambaran’ny mpitsabo eny amin’ny Hopitaly Mahitsy, ary raha tsy vita eo dia halefa any ampitandranomasina. Ny fanesorana ilay maso efa lo sy fanadiovana hatreto ary miandry ny fandidiana. Manao antso avo amin’ny Malagasy mpiray tanindrazana tsy ankanavaka na ny fitondram-panjakana, olon-tsotra,… mba hanolo-tànana sy hanao fitia tsy mba hetra ny fianakaviany satria tena sahirana, ary efa fongana ny vola kely teo am-pelantanana. 034 13 990 04 ny laharana hahazoana ny fianakaviany sy hahafahana mandefa vola ho tolo-tànana ho azy.

Toky R