FANAVAHANA IREO KARAZAM-PAKO

Nanaovana fanentanana ny mponin’Ampefiloha

Sosialy
Alarobia 03 Jolay 2024

Mbola betsaka amin’ny olona no tsy mahay manavaka ny fako.

Ao ireo manambatra ny vary masaka sy ny diky amin’ny sachet ary ny tavoahangy plastika. Misy koa ireo manambatra ireto farany amin’ny fako tsotra avy ao an-tokantrano isan’andro ka mahatsiaro ho sahirana ireo mpiasan’ny SMA, sampandraharaha iray eo anivon’ny kaominina Antananarivo renivohitra. Mba hanalana fahasahiranana azy ireo sy ho fitandroana ny fahadiovana ary dia nanentana ny mponin’ Ampefiloha cité mba hahay hanavaka ny fako sy hanaraka ny rindran-damina amin’ny fakana fako eny ifotony ny SMA. Nanotrona izany ny Ministeran’ny rano sy ny fidiovana ary ny fahadiovana niampy ny kaominina Antananarivo renivohitra. Ao anatin’ilay tetikasa GESDA no hanatontosana izany. Fako tsara tantana no tanjona no sady ho tanana mahate-honina koa Ampefiloha. Ezahina hitarina maneran’Antananarivo renivohitra moa ity tetikasa ity.
Pati
Legende : Nandritra ny fanentanana natao omaly !