Sosialy

Fanatsarana fanjonoana ao Nosy be Mpanjono madinika miisa 1500 no miatrika fiofanana

Sosialy
Alakamisy 08 Oktobra 2020

Ao anatin’ny fanampian’ny tetikasa SWIOFish 2, ny fitantanana momba ny varotra sy ny fampiroboroboana ny vokatra an-dranomasina sy an-dranomamy dia nirotsaka amin’ny fanampiana ireo mpanjono madinika,

hoy ny fampitam-baovao. Amin’ny alalan’ny fampiofanana ho fanamafisana ny fahaiza-manaon’izy ireo sy ny fizarana fitaovana enti-mampiodina sy mampiroborobo izay vokatra izay moa no hanatontosan’izy ireo izany. Efa natomboka tao Nosy be ny fiandohan’ity volana ity izy io ary miisa 1500 hatreto ireo miatrika izany. Hitohy amin’ireo faritra manodidina kosa ny tetikasa. Isany ny ao Melaky sy DIANA ary ny helo-dranon’i Antongil. Ho an’ny faritr’i DIANA moa dia miompana manokana amin’ireo faritra antsoina hoe BATAN, izany hoe, ny helo-dranon’Ampasimbava, ny ao Tsimipaika, Ambaro ary ireo vondronosy ao Nosy be, raha ny fampitam-baovao voaray hatrany.

J. Mirija