Sosialy

Fanararaotam-pahefana any Brickaville Mampitaraina ireo marary

Sosialy
Sabotsy 23 Febroary 2019

Velon-taraina tanteraka ireo marary manodidina ny tobim-pahasalamana iray any Brickaville noho ny afitsoky ny lehiben’ny mpitsabo iray any an-toerana.

Manao karaoke mandrakariva ity tompon’andraikitra ity rehefa mamo ary mitondra ekipa mihitsy. Ankoatr’izay dia miady aman’olona lava izy sy ny vadiny ka tsy misy fiaraha-monina vanona mihitsy satria eo ambodin’ny hopitaly izy ireo no mipetraka. Malahelo ireo olona marary sy ireo mpiandry marary ary nilaza fa fanararaotam-pahefana no ataon’ity tompon’andraikitra amina fitsaboana ity. Manao antso avo amin’ny fanjakana sy ny tompon’andraikitra mahefa izy ireo fa tena fijaliana sy tsy fitoniana no iainany. Sady tsy mba misy torimaso feno ho an’ireo marary no tabataba lava no iainana isan’andro izay miteraka fitaran’ny aretina, hoy ireo marary sy ny fianakaviany.

Tsirinasolo