Sosialy

Fanampiana zaza marary Nanavao ny fiaraha-miasany ny Star sy ny Compassion Madagascar

Sosialy
Sabotsy 13 Jolay 2019

Betsaka ireo olona tsy manana fahafahana hitsaboana tena intsony ankehitriny noho ny hasarotan’ny fiainana, voakasik’izany ny ankizy madinika.

Ny 70%-n’ireto farany miditra eny anivon’ny hopitalim-panjakana mantsy dia fantatra fa avy amina fianakaviana sahirana avokoa. Izany indrindra no antom-pijoroan’ny fikambanana Compassion Madagascar tarihin’ny dokotera Elodia Ranjanoro. Tamin’ny taona 2017 ny fikambanana no nanomboka nanampy ny ankizy ka ankizy miisa 25 isam-bolana ireo raisiny an-tanana mivantana izay nahatratra 293. Ny taona 2018 kosa izy no nanomboka niara-niasa tamin’ny orinasa Star, antony nahafahany nividy rononon-jaza, couche, fanafody ho an’ireo tena sahirana. Nahatratra 953 vokatr’izany ireo nokarakaraina sy notsaboina tamin’ny taona 2018 lasa iny. Nanavao ny fiaraha-miasany indray ny roa tonta omaly. Teny Andraharo no nanatanterahana ny lanonana mifandraika amin’izany. Tsiahivina moa fa fanampiana y mitentina 5 tapitrisa ariary isam-bolana no hatolotry ny orinasa Star ny fikambanana Compassion Madagascar.

Pati