Sosialy

Fanampiana hiatrehana fihibohana Samy miandry ny fitetezam-baravarana

Sosialy
Zoma 10 Jolay 2020

Hatramin’izao dia mbola samy velom-panontaniana ny ankamaroan’ireo mponina eto Analamanga mikasika ny resaka fitetezam-baravarana na “porte à porte” hanaterana fanampiana ireo mponin’ny faritra Analamanga hiatrehany izao fihibohana izao.

Tsy mifidy saranga intsony anefa ny fahasemporam-piainana vokatr’ity krizy ara-pahasalamana ity. Araka ny fanazavan’ny mpivady iray izay mpampianatra mpikaroka eny amin’ny sekoly ambony tsy miankina iray dia efa 3 volana izy ireo izao no tsy nandray vola na vary iray venty aza. Mba nisoratra anarana ho isan’ireo sahirana tetsy amin’ny fokontany misy azy etsy Mahamasina saingy tsy tao ny anarana rehefa nivoaka ny lisitra. Etsy an-kilany anefa ireo mponina amina boriborintany hafa toy ny faha 2 sy faha 3 ary faha 5 dia mbola samy miandry izay fanampiana izay ihany koa ho aterina isam-baravarana mba hisorohana ny fitangorongoronana izay efa hita ho lesoka hatrany am-boalohany.

J. Mirija