Sosialy

Fanampiana avy amin-dRavalo An-dalam-panaterana any Atsimo

Sosialy
Alakamisy 24 Desambra 2020

Nanainga omaly, niala tao Andranovory ny delegasionina tarihin'Atoa Rina Randriamasinoro,

Sekretera Jeneralin’ny Antokoa Tiako I Madagasikara hanatitra ireo fanomezana ho an'ny mpiray tanindrazana tratry ny Kere any Atsimo. Ho fanatanterahana ny fampanantenana nataon'ny Filoha teo aloha Marc Ravalomanana tamin’ny tsingerin-taona nahaterahany io, hoy ny avy amin’ny TIM. Tsy izy tenany aloha izany no manatitra mivantana ny fanampiana, raha tsy hoe hanaraka avy ato aoriana i Marc Ravalomanana. Tany amin’ny faritr’i Mahambo sy Foulpoite iny ny Filoha teo aloha vao andro vitsy izay, ary namaly ny fanasana azy, ka tonga nanatrika ny fankalazana ny jobily faha-150 taonan'ny FJKM Avaratsena Fanantenana Talata Volonondry omaly. Nanamarika izany fankalazana izany ny fanokanana ny Trano fiangonana vaovao.

Toky R