Sosialy

Fanamboarana ny EPP ao Vohemar Ny 60%n’ny asa no efa vita

Sosialy
Alatsinainy 30 Desambra 2019

Ny 60 % ny asa no efa vita amin’ny fanamboarana ny EPP manarapenitra any amin’ny disitrikan’i Vohemar, faritra Sava, raha ny fampitam-baovao voaray avy any an-toerana.

Hitondra fiatsaran’ny tontolon’ny fanabeazana izao ezaka izao, hoy ny depiote voafidy tany an-toerana, Edizard. Tany amin’ny repoblika voalohany no nisy fametrahana fotodrafitrasa tahaka izao . Sahirana ny mpianatra nohon’ny tsy fahampian’ny efitrano fianarana ka anton’ity vahaolana ity. Ho an’ny faritra Sava manokana dia I Vohemar aloha no nametrahana io fotodrafitrasa io fa mbola hahazo ny anjarany ihany koa ny ao Sambava, hoy ny minisitra, Volahaingo Marie Thérèse. Ankotran’io sekoly manarapenitra io dia hisy ihany koa ny Fanomezana kit scolaire ho an’ireo mpianatra. Efa saika nahazo izany avokoa ny mpianatra any amin’iny faritra iny nandritry ny fitsidiahan’ity minisitry ny fanabeazam-pirenena ity tany an-toerana ny herinandro lasa teo.

J. Mirija