Sosialy

Fanajana ny zon’ny ankizy Mbola tsy laharam-pahamehana eto Madagasikara

Sosialy
Alarobia 02 Aogositra 2023

Mbola tena ambany ny tahan’ny fanajana ny zon’ny ankizy ho antsika eto Madagasikara. Anisan’ny ahitana taratra

izany ny resaka fanabeazana sy fahasalamana noho ny hakelezan’ny teti-bola natokan’ny fanjakana ho amin’izany. Mbola betsaka ireo ankizy tsy tafiditra an-tsekoly noho izany raha tsy vitsy ihany koa ireo tsy afaka mitsabo tena ara-dalana hany ka hanaovana tolo-tanana etsy sy eroa ho an’ireo tena voa mafy na koa miandry ireo karazana hetsika ara-pahasalamana maro samihafa. Ny tobim-pitsaboana fototra rahateo mbola handoavam-bola hatrany eny fa na dia ho an’ireo tena sahirana aza. Mbola tsy tanteraka ihany koa hatreto ilay fampianarana maimaim-poana eny anivon’ny sekolim-panjakana fa resabe fotsiny no betsaka…Izany indrindra no antom-pisia’ilay tetikasa izay tanterahan'ny eo anivon'ny CCOC ao amin'ny kaominina Tsiafahy sy Ambohidratrimo ary ao amin'ny firaisana faha 4 eto Antananarivo renivohitra.Tanjon'ny tetikasa ny hahafahana mijery fomba entina mametraka teti-bola mifandraika amin'izay fampanajana ny zon'ny ankizy izay eo anivon'ireo kaominina miisa telo ireo.
Nangonin’i Pati
Legende : Vonona hanampy ny fampanajana ny zon’ny ankizy ny CCOC !