Sosialy

Fanajana fitsipika fanariana fako Olona miisa 151 no hiandry ireo bakan-jaoridira

Sosialy
Talata 04 Desambra 2018

Ho fandrindrana sy ho fitandroana ny fahadiovana tsy hiparitahan’ny loto manodidina ny dabam-bako eto amin’ny Kaominina Antananarivo Renivohitra (CUA) dia olona miisa 151 manomboka izao no apetraky ny kaominina hiandry ireny dabam-pako iombonana ireny.

Arahina polisy monisipaly hivezivezy hanara-maso amin’ny môtô izany ho fanarahana ny fitsipika na discipline izay natao ho an’ny rehetra. Ho fanavaozana ny dabam-pako sasany dia nanamboatra baka be nap arc à boeuf koa ny kaominina hanatobiana ny zaoridira, izay efa hita eny amin’ny fokontany Ivandry, Analamahitsy ary Alarobia amin’izao. Ho fandrindrana ny fanalan’ny SAMVA ny fako izay efa ampian’ny kaominina be dia be ankehitriny dia amin’ny 5 ora hariva ka hatramin’ny 8 ora alina ihany isan’andro ny fanariana ny fako eny amin’ireny daban-jaoridira ireny. Ireo olona miisa 151 sy ireo polisy monisipaly napetraka ireo no hanara-maso ny ora fanariana fako tsy hiverenan’ny gaboraraka toy ny teo aloha intsony.

Pati