Sosialy

Fanafihan-dahalo - Amboasary atsimo Zaza iray nalaina an-keriny, olona fito voatifitra

Sosialy
Zoma 17 Janoary 2020

Tsy milamina ny tany. Mirongatra hatrany ny asan-dahalo any amin’ny faritra. Omby miisa 550 avy any Belitsaka Maintirano hihazo an'i Tsiroanomandidy

entina hamidy no nosakanan’ny dahalo maro be mirongo basy mahery vaika tao Beravina-Morafenobe omaly maraina. Lasan’ny dahalo vokatr’izany ny omby rehetra. Nitrangana fanafihan-dahalo ihany koa tany Ebelo Amboasary Atsimo ary nisy fifandonana teo amin’ny tompon’omby sy mpanara-dia. Naratra voatifitra tamin’izany ny enina tamin’ireo mpanara-dia sy ny tompon’omby. Voa mafy ny iray niantefan’ny bala teo ambanin’ny fony. Tsaboina ao amin’ny hopitaliben’Ambovombe Androy ireo maratra hatramin’ny omaly hariva fotoana nanoratanay. Maty tao anaty fifanjevoana ny dahalo iray ary azo sambo-belona kosa ny iray. Naka zaza iray natao takalon’aina moa ireto dahalo ireto, sady mitaky vola 3 tapitrisa Ar, koa hanaovan’ireo lasibatra antso avo amin’ny mpitondra ny hanampiana azy ireo sy handraisana an-tanana ny raharaha.

Pati