Fanafarana varin’i Madagasikara

Partagé sur :
• facebook

Teo amin’ny 370 510 taonina ny vary nafaran’i Madagasikara tao anatin’ny 10 volana

voalohan’ny taona 2023, raha toa ka nahatratra 599 603 taonina tamin’ny taon-dasa, araka ny tatitra nataon’ny ODR (Observatoire du riz). Nisy fihenana 229 093 taonina izany raha raha ny kajikajy. Raha ny antontan’isan’ny foibem-pitantanan’ny fadin-tseranana, dia nahatratra 22 100 no naparitaka ho an’ny mpanjifa tamin’ny volana oktobra. Teo amin’ny 51,3 miliara Ar eo ny sandan’izay fanafarana izay, raha ny kajin’ny ladoany. Navoitran’ny ODR kosa, fa tsy nitsahatra nihena ny vidin’ny vary teo amin’ny tsena iraisam-pirenena tamin’ny volana oktobra satria nahatratra 3% teo. Anton’io ny fiotazana sy ny fipariahan’ny vokatra asiatika, ka somary marin-toerana ny vidim-bary teo amin’izay tsena iraisam-pirenena izay nanomboka ny fiandohan’ny novambra, kanefa misy fihakarana kely noho ny fiverenan’i Indonezia eo amin’ny tsena. Raha ny voafaritry ny volavolan-dalàna mifehy ny tetibolam-panjakana 2024 kosa, dia mamaritra ny fanjakana ao anatin’ny dingana voalohan’ny paikady nasionaly momba ny fampandrosoana ny fambolem-bary ny hanatrarana 6 tapitrisa taonina manomboka amin’io taona ho avy io. Tafiditra ao anatin’io tanjona io ny fanitarana ny tanimbary volena, fizarana zezika mineraly sy organika amin’ny mpamboly, fitaovam-pamokarana sy masomboly voafantina sy nohatsaraina,… Na izany aza, tena nataon’ny Fanjakana laharam-pahamehana ve ny famokarana sy ny fahavitan-tena ara-tsakafo raha tarafina tamin’ireo laharamam-pahamehana sy ny asa natao ? Nomen-danja ve ny famokarana sa nihazakazaka tany amin’ny haitraitra tahaka ny kianja, teleferika, tanamasoandro,… ?
Toky R

Tia Tanindrazana

Samia mijoro ho an'i Gasikara.