Sosialy

Fanabeazana ny tanora Notokanana omaly ny “Coin Jeune” CEG 67ha

Sosialy
Talata 20 Aogositra 2019

Notokanana omaly ny ivontoerana ho an’ny tanora, atao hoe : « Coin Jeune », eny amin’ny CEG 67ha.

Miisa 8 ny tahaka ity manerana an’i Madagasikara, izay tohanan’ny Tahirin’ny Firenena Mikambana momba ny mponina (UNFPA). Ahitana azy any Mananjary, Ifanadiana, Ambovombe, Toliara, Antsohihy ary misy anankiroa any Manakara. Ity vao notokanana omaly eny 67ha ity dia efa 8 taona no nisiany, saingy nasiam-panavaozana. Ho fanampin’ny fandaharam-pianarana mantsy dia misy fanabeazana maha olona ilain’ny ankizy, hisorohana ny tranga sasany, toy ny vohoka aloha loatra na ny fandraisana zava-mahadomelina. Araka izany, ho sehatra ifanakalozan’ny tanora amin’ny mpanabe ity « Coin Jeune » ity, ankoatra ny fialam-boly hita ao anatiny. Mbola tafiditra ao anatin’ny fanamarihana ny andro iraisam-pirenena ho an’ny tanora izao hetsika izao ary mamaly an’ilay paikady vaovaon’ny UNFPA, manana ny teny filamatra manao hoe : “vatako, fiainako, tontoloko”.

Marigny A.