Sosialy

Fampiroboroboana ny maha-olona Nahazo 100 tapitrisa dolara i Madagasikara

Sosialy
Talata 31 Martsa 2020

Nekena tany Washingtown tamin’ny 26 martsa lasa teo ny fampindramam-bola ho tohana ho an’ny fotodrafitr’olona (capital humain) eto Madagasikara.

Fantatra fa marefo ny firenena amin’io sehatra io ka mahatratra 100 tapitrisa dolara ny famatsiam-bola izay avy amin’ny Banky iraisam-pirenena ho fanohanana ny politikam-panjakana ny amin’ny fampandrosoana ny maha-olona. Tanjona ihany koa ny hanatsarana ny harena arak’olona amin’ny sehatra fahasalamana sy ny fanabeazana ary hananana tahiry ara-bola ny amin’ireo sehatra ara-tsosialy izay marefo eto amin’ny firenena. Ankoatr’izay dia nomena ihany koa izao fampindramam-bola izao hanamafisana ny fiarovana araka ny lalàna ny vehivavy sy ny ankizy.

Tsirinasolo