Sosialy

Fampiofanana amin’ny fanorenana trano eto Madagasikara Tsy mamaly ny hetahetan’ny orinasa

Sosialy
Alakamisy 18 Oktobra 2018

Tsy mifanaraka amin’ny zavatra takian’ny eny anivon’ny orinasa intsony ny fampiofanana momba ny fanorenana trano misy eny amin’ny toeram-pianarana. Izany no antony nanaovana ny tetikasa FORMAPRO-BTP ho fanatsarana ny asa manodidina ny fananganana trano araka ny tatitry ny talen’ny LTPGCM

(Lycée Technique et Professionnel du Genie Civil de Mahamasina). 5 ny lisea filamatra erak’i Madagasikara ary anisan’ny tafiditra ao anatin’izany ny LTPGCM izay mampiofanana ny amin’ny tontolon’ny fanorenana miafara amin’ny famitana tanteraka ny trano. Nisy ny famatsian’ny masoivohon’ny frantsay ho amin’ny fampandrosoana (AFD) vola sy fitaovana ity ivon-toerana fampiofanana mba ho fanatsarana sy ny fanamboarana ny fitaovam-piofanana maro isan-karazany ao. Ankoatr’izay dia hamafisina ihany koa ny fampiofanana ireo mpampianatra ao amin’ity lisea ity mba ho tena matihanina amin’ny sehatra iandraiketany. Na dia betsaka aza ny olona mahay manangana trano dia hafa mihitsy ny mandalo fiofanana hoy ny tale satria maharaka hatrany ny teknolojia vaovao sy avo lenta hanafaingana sy hampaharitra ny asa.

Tsirinasolo