Sosialy

Fampindramam-bola amin’ny fifandraisan-davitra Nampitomboina hatrany amin’ny 1 tapitrisa ariary

Sosialy
Alarobia 07 Aprily 2021

Ny taona 2017 no nanomboka ny atao hoe “Mvola avance”, izay fampindramam-bola amin’ny alalan’ny finday

ny orinasa fifandraisan-davitra Telma. Fiaraha-miasa amin’ny banky BNI Madagasikara izy io, raha ny fanazavana, ary an-tampitrisa ankehitriny ireo izay miditra amin’izay fomba findramam-bola mifanaraka amin’ny toetr’andro izay. Fantatra omaly ary fa manomboka izao dia azo atao ihany koa ny mindrana vola hatramin’ny 1 tapitrisa ariary amin’ny alalan’ity fomba fampindramam-bola ity. Izany no natao dia ho fanamaivanana ny fahasahiranan’ny olompirenena manoloana ny toe-draharaha miha sarotra ankehitriny. Tsy miova ny fepetra, hoy hatrany ny fanazavan’ireo tomponandraikitra izay manasa ireo liana hanatona azy ireo hatrany raha misy fanazavana fanampiny manitikitika.

J. Mirija