Sosialy

Fampihenana ny loza voajanahary Handray anjara amin’ny fiatrehana izany i Madagasikara

Sosialy
Alarobia 05 Desambra 2018

Handray anjara amin’ny fiatrehana ny fampihenana ny fiantraikan’ny loza voajanahary amin’ny mpiara-belona i Madagasikara taorian’ny nanatanterahana ilay fifanarahana tany Sendai Japon nosoniavin’ireo firenena maro maneran-tany.

Amin’ny alalan’ny birao nasionaly misahana ny loza voajanahary no hanatanterahana izany eto amintsika izay nanatanteraka atrikasa avy hatrany niarahana tamin’ireo fikambanana sy ONG maro samihafa mpiara-miombon’antoka aminy tetsy amin’ny Live hotel omaly. Hisy ny fametrahana paikady hahafahana miatrika ny loza sy manamaivana izany, manomboka eny anivon’ireo vondron’olona ifotony raha araka ny fanazavan’ny lieutnant colonel Faly, anisan’ireo tompon’andraikitra eo anivon’ny Bngrc. Jerena ao anatin’izany ny dingana efa vita nanomboka tamin’ny taona 2017 raha araka ny fanazavany toy ny fanofanana ireo mpilatsaka an-tsitrapo izay manampy betsaka ireo olona lasibatry ny rivodoza sy ny fiakaran’ny renirano lava, indrindra fa ny eny amin’ny faritra iva. Faritra 11 isa hatreto no efa nanaovan’ny Bngrc ezaka ka ho an’ny Faritra Analamanga manokana dia amin’ity herinandro ity ihany dia hotanterahina ny fanavaozana. Vao avy tao anatin’ny andro vitsy mantsy ny ranon’orana dia betsaka sahady ireo faritra tondraka izay nambaran’ny Bngrc fa hojerena akaiky ho fanampiana ny mpiara-belona.

Pati