Sosialy

Fampidirana jiro sy rano Tsy maintsy voaloha ny hetran-trano vao mety

Sosialy
Sabotsy 09 Mey 2020

Betsaka ireo olona tsy manao ho laharam-pahamehana ny fandoavan-ketra na dia tamin’ny fotoana tsy mbola nisian’ny coronavirus teto amintsika aza.

Saika ambin-javatra hatrany izany hany ka tsy vitsy ireo kaominina no mitaraina. Mba hahafahana manampy ireto farany ary dia fantatra fa tsy afaka mampiditra jiro na rano ao an-tokantranony intsony ny olona iray nahavita trano raha tsy nahaefa ny hetran’ny tranony tao anatin’ny 3 taona misesy. Toraka izany koa ny fahazoana ilay taratasy fahazoan-dalana hanorina trano avy amin’ny kaominina iny izay takian’ny JIRAMA. Tanjona ny hamporisihina ny isan-tokantrano mba hanefa izany izay amin’ny sarany 5.000 Ar isam-bolana raha tsiahivina hahafahana manao asa fampandrosoana ao amin’ny faritra misy azy.

Pati