Sosialy

Fampiasana hiran’ny artista mandritra ny propagandy Handoavana sarany any amin’ny OMDA

Sosialy
Alatsinainy 15 Oktobra 2018

Tokony handoavana sarany any amin’ny OMDA ( office Malgache des droits d’auteur) ny fampiasan’ireo kandida hilatsaka hofidiana ho filoham-pirenena ny sangan’asan’ny mpanakanto amin’izao fotoanan’ny fampielezan-kevitra izao.

Raha araka ny fanazavan’Atoa Ranjarivo Haja, talen’ny OMDA dia efa nisy ny resaka nifanaovan’izy ireo tamin’ny vaomieram-pirenena misahana ny fifidianana mikasika izany na ny CENI. Efa nisy ihany koa ny fampahafantarana nataon’izy ireo tamin’ireo kandida ka efa nisy ireo tonga nanatona azy ireo raha misy ihany koa ireo vao handehanana any amin’ny foiben-toerany ( quartier general). Nomarihin’Atoa Ranjarivo Haja fa na fampisehoana no hatao na fampiasana hira entina mandehandeha eny rehetra eny dia tokony handoavana sarany hatrany izany ho fiarovana ny zon’ny mpamorona. Izay no antom-pisian’izy ireo hanampy ny mpanakanto amin’ny fiarovana ny sangan’asany, hoy hatrany izy.

Pati