Sosialy

Fampiakarana vidin’entana Velon-taraina ny mpanjifa

Sosialy
Zoma 08 Janoary 2021

Afaka omaly 2500 ariary ny kilaona vary gasy novidiako, hoy ny renim-pianakaviana iray, anio (TTF: omaly),

vary mitovy ihany fa lasa 2800 ariary. Anatin’ny 2 andro monja izany dia efa nahitana fiakarana 300 ariary be izao ny vidim-bary. Velon-taraina manoloana ny fampiakarana vidin’entana izay toy ny tsy mampatahotra ireo mpivarotra intsony ny mpanjifa. Tena vokatry ny fiakaran’ny vidin’ireo entana afarana tokoa ve na noho ny fitotonganan’ny sandam-bola sa fanararaotana tsotra izao? Aiza ny tohin’ny fanaraha-maso sy ny fepetra raisin’ny fitondram-panjakana sy ny minisitera tomponandraikitra manoloana ny zava-misy? Tena vokatry ny faharatsian-dalana tokoa ve? Andrasana ny fanazavana sy vahaolana matotra avy amin’ireo voakasika rehetra.

J. Mirija