Sosialy

Fampandrosoana an’Antananarivo Nanome 8 miliara ariary mahery ny AFD

Sosialy
Zoma 28 Septambra 2018

Omaly alakamisy 27 septambra no natao tetsy amin’ny minisiteran’ny fitantanam-bola sy ny tetibola tetsy Antaninarenina ny fifanaovan-tsonia ho fiaraha-miasa amin’ny Masoivoho Frantsay ho amin’ny fampandrosoana (AFD).

Famatsiam-bola mitentina 2 tapitrisa Euro na 8 017 180 000 Ariary (1Euro=4008, 59 Ar) no nentin’ny AFD hanampiana ny ivontoerana nasionaly ho amin’ny fitsinjaram-pahefana sy ny fampandrosoana ifotony (INDDL). Ao anatin’ilay tetikasa GUGA (Gouvernance Urbainedu Grand Tana) izay hampandrosoana ny kaominina miisa 27 manodidina ny renivohitra ary hanatevenanana ny fahaiza-manaon’ny mpanajary ny tanàna ity fifanaovan-tsonia ity. Hibahan-toerana amin’izany ny fampianarana sy ny fampiofanana maro ary ny fanamafisana ny fahaiza-manao ho fampiroboroboana ny tanànan’Antananarivo sy ny manodidina. Mifanindran-dalana amin’io famatsiam-bola hanampiana an’ny INDDL io ny famoronana ny ivom-panajariana ny tanànan’Antananarivo sy ny manodidina (IPAM) izay hahazoana vola mitentina 3 tapitrisa Euro na 12 0250 770 000 Ar ihany koa.

Tsirinasolo