Sosialy

Famoriam-bahoaka Tena manao izay tiany ny mpitondra

Sosialy
Talata 01 Septambra 2020

Nanokatra ny fanombohana ny fizarana ny "vatsy tsinjo" sosialim-bahoaka ho an'ny Distrika Atsimondrano teny amin'ny Kianja Groupe Bassan By Pass ny olom-panjakana maro nahitana Solombavambahoaka,

ny loholona, ny ekipan'ny Faritra Analamanga izay notarihan'ny Tale ara-bola, ny Tale kabinetran'ny Ministeran'ny Serasera sy Kolontsaina, Fikambanana FITIA ary ny ekipan'ny CRCO. Tokantrano miisa 4300 eny amin'ny kaominina Ankaraobato no misitraka izany, ho avy ary hitohy ny fizarana ho an'ny kaominina hafa eny amin'ny Distrika Atsimondrano rehetra, hoy ny tatitra. Miezaka maneho ireo manam-pahefana isan-tsokajiny, fa miasa sy mitsinjo ny vahoaka. Na izany aza, dia adino tanteraka izany fepetra ara-pahasalamana, toy ny tsy fahafaha-mamory vahoaka mihoatra ny 50 izany, ny elanelana iray metatra,… Niainga tany amin’ny Filoha ny tsy fampanajana an’io, ary lojika raha mandeha ho azy ho an’ny manam-pahefana hafa isan-tsokajiny. Ny manahirana dia ny hoe: ny fiangonana tsy maintsy maka alalana any amin’ny Prefektiora sy ny CCO, na ao anatin’ny fanajana fepetra aza, fa ny manam-pahefana mety foana izay ataony. Eto Madagasikara tokoa isika!

Toky R