Sosialy

Famonoana zaza tany Ambositra Olona 4 naiditra am-ponja

Sosialy
Alatsinainy 20 Septambra 2021

Olona 4 no fantatra fa voasambotra ary efa naiditra am-ponja tamin’ny faran’ny herinandro teo tany amin’ny kaominina ambanivohitra Ambositra,

distrikan’Ambositra vokatry ny fahafantarana fa voarohirohy tamin’ny famonoana ilay zazavavy kely iray vao 7 taona monja tany an-toerana izy ireo.Olona tsara sitrapo teny anivon’ny fiaraha-monina no nanome ny vaovao ny mpitandro ny filaminana ka fantatra tamin’izany fa saika natao sorona ity zazavavy kely ity taorian’ny nanolanana sy namonoana azy tamin’ny fomba feno habibiana. Miantso hatrany ny fandraisan’andraikitry ny mpitandro ny filaminana ireo mponina any an-toerana manoloana ny tranga mampalahelo tahaka izao.
Nangonin’i Pati