Sosialy

Famonjena voina mandritra ny fety Hampitombona avo roa heny ny ekipa

Sosialy
Alatsinainy 30 Desambra 2019

Na dia efa niasa mafy aza ny sampana mpamonjy voina etsy Tsaralalana nandritra ny fetin’ny Noely teo dia mbola hiasa mafy

ihany izy ireo amin’ity herinandro ity mandritra ny fankalazana ny fetin’ny faran’ny taona rahampitso Talata sy ny taona vaovao afaka rahampitso Alarobia. Raha araka ny fanadihadiana natao dia hampitomboina roa avo heny ireo ekipa hiasa mandritra ireo roa andro ireo ary aorian’izany dia mbola hifanome tanana amin’ny kaominina Antananarivo renivohitra izy ireo amin’ny fanadiovana ny tanàna. Anisan’ny asa efa niantsorohan’izy ireo ohatra ny fanapahana ireo hazo hita fa tena antitra eto an-drenivohitra ka ahiana handratra olona mandritra ny fety….Izany no hatao hoy ny tompon’andraikitra eo anivon’ny sampana mpamonjy voina hatrany dia hahafahana manome fahafaham-po ny mpiara-belona. Miantso ireo sanatria tojo loza na mahita trangan-javatra toy ny haintrano araka izany ny sampana mpamonjy voina mba hiantso tsy amim-pisalasalana ny laharana maitso 118. Mikasika ny asa notanterahin’izy ireo kosa dia fantatra fa tamin’ity taona 2019 madiva hivalona ity no tena mafy sy betsaka indrindra izany saingy na izany aza dia tratra 100 % ny tanjona napetraka.

Patty