Famokarana sy fihariana

«Omen-danja ireo sopitr’i

Sosialy
Talata 16 Desambra 2025

Madagasikara sy ny fahaiza-manao Malagasy !»

Mila jerena ireo sopitra satria isika izao manafatra vary 8 alina taonina hatramin’ny 1 tapitrisa taonina, kanefa isika taloha mpanondrana, hoy ny Praiminisitra Herintsalama Rajaonarivelo nanamarika fa zava-dehibe amin’ny toekarena ny tanàn-dehibe, saingy tena zava-dehibe ny tontolo ambanivohitra izay misy ny 80% amin’ny vahoaka Malagasy izay tantsaha mpamokatra ny ankamaroany. Mila jerena ireo sopitra toa an’i Mandritsara, Bealanana, Marovay, Beroroha, Ambatoboeny,… Miezaka mampirisika ny Malagasy hiverina amin’ny zavatra hainy sy ny nenti-paharazana satria isan’ny zavatra ny governemanta satria isan’ny tena manarika antsika Malagasy ny rano sy vary. Manana talenta na « génie » isika, toy ny SRI (System of Rice Intensification) izay famokarana niala tao anatin’ny vokatra kely 2 taona isaky ny hekitara fa mba niakatra ambony, saingy toa najanontsika, ka mahagaga fa najanona na nariantsika, dia ny vahiny indray no lasa mirehareha. Lasa tsy mahay miaro ny zavatra haintsika isika, dia lasa ny fahaizantsika indray no ireharehan’ny olona. Tsy tokony hariana ny fahaizantsika, raha ny nambaran’ny Praiminisitra. Ity farany izay nanamarika ihany koa fa tena ilaina ny « dignité humaine » na ny fijerena ny maha olona, ka mametraka ny lanjan’ny Malagasy eo amin’ny taniny. Mba mandray ny adidiny hamorana asa amin’ny alalan’ny orinasa madinika sy salantsalany mba hiteraka asa sy vola miditra na « valeur ajoutée ».
Toky R