Sosialy

Fambolen-kazo Tokony hisy fanaraha-maso hatrany

Sosialy
Alarobia 05 Febroary 2020

Tokony hisy fanaraha-maso hatrany ny zanakazo volena, indrindra amin’izao fotoam-pahavaratra izao fa tsy avela hikodana fotsiny eny an-tendrombohitra.

Tokony hahazo 5 metatra mantsy ny halavan’ny zanakazo iray ao anatin’ny 5 taona raha voara-maso ara-dalàna. Anisan’ny hampihatra izany ny vondrona Aremec eny Ankazomanga, taorian’ny nambolen’izy ireo ireo zanakazo miisa 4.000 fototra teny Imerinkasinina Ambohimalaza ny faran’ny herinandro teo. Hazo fihinam-boa isan-karazany miaraka amin’ny kesika sy kininina no novolena tamin’izany ary mpiasa 500 kosa no nanatanteraka ny asa. Tanjon’ny vondrona Aremec ny handrakotra maitso an’i Madagasikara izay mifanandrify indrindra amin’ny vinan’ny fitondram-panjakana ankehitriny. Ireo mponina eny Ambohimalaza sy ny kaominina moa no hifanome tanana amin’ny fanaraha-maso ireo zanakazo vao avy novolena ireo. Nofaranan’ny vondrona Aremec tamin’ny fifampiarahabana nahatratra ny taona vaovao 2020 ny lanonana.

Pati