Sosialy

Famatsiana rano fisotro madio Mitady vahaolana hatrany ny JIRAMA

Sosialy
Alakamisy 16 Janoary 2020

Tafiditra tanteraka ao anatin’ny fanatanterahana ireo tetikasa hamahana ny olan’ny famatsian-drano manerana ny Nosy ny

orinasa JIRAMA ankehitriny. Anisan’izany ny any amin’ny distrikan’i Fenoarivo Atsinanana. Misy ny tetikasa fanamboarana toho-drano avy amin’ny reniranon’Itendro ao Fenoarivo Atsinanana hanampiana ny famokaran-drano any an-toerana. Ny 12 desambra lasa teo no efa niantomboka ny asa ka ho vita ny 30 aprily ho avy izao izany raha ny voafaritry ny tetiandro. Vokatry ny fiaraha-miasa eo amin’ny JIRAMA sy ny fikambanana GRET ny fanatanterahana ity tetikasa ity. Tanjona ny hampiakarana ny famokaran-drano ho 2 184m3 isan’andro raha toa ka 507m3 isan’andro izany amin’izao fotoana izao. Ny mpanjifan’ny JIRAMA rehetra ao Fenoarivo Atsinanana moa no hisitraka ity tetikasa ity.

Pati